ഡൽഹിയിൽ വായു മലിനീകരണം രൂക്ഷമാകുന്ന സാഹചര്യത്തില് സ്കൂളുകള്ക്ക് രണ്ടുദിവസം അവധി പ്രഖ്യാപിച്ച് ദില്ലി മുഖ്യമന്ത്രി അരവിന്ദ് കെജ്രിവാൾ. സോഷ്യൽ മീഡിയ പ്ലാറ്റ്ഫോമായ എക്സിലൂടെയാണ് അവധി പ്രഖ്യാപിച്ചത്. മലിനീകരണ തോത് ഉയരുന്ന സാഹചര്യത്തില്, സ്കൂളുകൾക്ക് പുറമേ എല്ലാ സര്ക്കാര്, സ്വകാര്യ പ്രൈമറി സ്കൂളുകള്ക്കും അടുത്ത രണ്ട് ദിവസങ്ങളിൽ അവധിയായിരിക്കുമെന്നാണ് കെജ്രിവാൾ അറിയിച്ചു.
അതേസമയം, മലിനീകരണം കുറയ്ക്കുന്നതിനായുള്ള നടപടികള് സംസ്ഥാന സര്ക്കാര് ആരംഭിച്ചിട്ടുണ്ട്. നിര്മ്മാണ പ്രവര്ത്തനങ്ങള് നടക്കുന്നയിടങ്ങളില് പരിശോധന നടത്തി മലിനീകരണം കുറയ്ക്കാനുള്ള നടപടികള് സ്വീകരിക്കണമെന്നും നഗരത്തില് സ്വകാര്യ വാഹനങ്ങള് ഇറക്കുന്നത് കുറയ്ക്കണമെന്നും സര്ക്കാര് ജനങ്ങളോട് ആവശ്യപ്പെട്ടിട്ടുണ്ട്. ഇലക്ട്രിക് – സിഎന്ജി വാഹനങ്ങള് കൂടുതലായി ഉപയോഗിക്കാനും മെട്രോ സര്വീസുകളെ കൂടുതൽ ആശ്രയിക്കാനും നിര്ദേശമുണ്ട്. ഹോട്ടലുകളിലടക്കം വിറകും കല്ക്കരിയും ഉപയോഗിക്കാനാണ് നിർദേശം.
