പാലക്കാട്: പാലക്കാട് പോളിങ്ങിനിടെ വെണ്ണക്കര ബൂത്തിലെത്തിയ യുഡിഎഫ് സ്ഥാനാര്ഥി രാഹുല് മാങ്കൂട്ടത്തിലിനെ തടഞ്ഞതില് സംഘര്ഷം. രാഹുല് ബൂത്തില് കയറി വോട്ട് ചോദിച്ചുവെന്ന് ആരോപിച്ചാണ് ബിജെപി പ്രവര്ത്തകര് തടഞ്ഞത്. ഇതേതുടര്ന്ന് വെണ്ണക്കര ബൂത്തില് കോണ്ഗ്രസും ബിജെപിയും തമ്മില് വാക്കേറ്റവും സംഘര്ഷവുമുണ്ടായി.
‘ഞാന് വന്നപ്പോള് ബിജെപിയുടെയും എല്ഡിഎഫിന്റേയും പ്രവര്ത്തകര് സംയുക്തമായി പ്രതിരോധിക്കുന്നു. സ്ഥാനാര്ഥിക്ക് നില്ക്കാന് കഴിയില്ലെന്നാണ് പറഞ്ഞത്. ഇവിടെ എല്ഡിഎഫ് സ്ഥാനാര്ഥി വന്നപ്പോള് മൂന്ന് പാര്ട്ടിക്കാര്ക്കും യാതൊരു എതിര്പ്പുമുണ്ടായിരുന്നില്ലെന്നും’ രാഹുല് പറഞ്ഞു.
