തെഹ്റാന്: രാജ്യത്തിന്റെ പുതിയ പ്രസിഡന്റിന്റെ സ്ഥാനാരോഹണ ചടങ്ങില് പങ്കെടുക്കാനെത്തിയ രാഷ്ട്രീയകാര്യ സമിതി തലവന് ഇസ്മായില് ഹനിയ്യ കൊല്ലപ്പെട്ടു. ഇസ്മായില് ഹനിയ തെഹ്റാനിലുണ്ടായ ആക്രമണത്തില് കൊല്ലപ്പെട്ടതെന്ന് ഇറാന് സൈന്യം അറിയിച്ചു. ഇറാന് പ്രസിഡന്റ് മസൂദ് പെസെഷ്കിയാന്റെ സത്യപ്രതിജ്ഞാ ചടങ്ങില് പങ്കെടുക്കാന് എത്തിയതായിരുന്നു അദ്ദേഹം. ഖത്തര് കേന്ദ്രീകരിച്ച് ഹമാസ് പ്രവര്ത്തനങ്ങള്ക്ക് നേതൃത്വം നല്കിയിരുന്ന ഹനിയ്യ അവിടെ നിന്നാണ് ഇറാനിലെത്തിയത്.
ഹനിയ്യ താമസിച്ച വീടിന് നേരെയുണ്ടായ ആക്രമണത്തില് ഇദ്ദേഹത്തിന്റെ അംഗരക്ഷകനും കൊല്ലപ്പെട്ടിട്ടുണ്ട്. ആക്രമണത്തിനു പിന്നിലെ കൂടുതല് വിവരങ്ങള് ഇറാന് പുറത്തുവിട്ടിട്ടില്ല. കൊലപാതകത്തിനു പിന്നില് ഇസ്രായേലാണെന്ന് ഹമാസ് ആരോപിച്ചത്. ഖത്തറില് താമസിച്ചാണ് ഹമാസിന്റെ പ്രവര്ത്തനങ്ങള്ക്ക് നേതൃത്വം നല്കിയിരുന്നത്. ഗാസയില് ഇസ്രയേല് നടത്തിയ ആക്രമണത്തില് ഹനിയ്യയുടെ മക്കളും പേരമക്കളും കൊല്ലപ്പെട്ടിരുന്നു.
