അമേരിക്കയിൽ പലസ്തീൻ വിദ്യാർത്ഥികൾക്ക് നേരെ വെടിവെപ്പ്. വെർമോണ്ടിൽ യൂണിവേഴ്സിറ്റി ക്യാമ്പസിന് സമീപത്ത് വെച്ചാണ് മൂന്ന് വിദ്യാർത്ഥികൾക്ക് നേരെ വെടിവെപ്പുണ്ടായത്. ശനിയാഴ്ച വൈകിട്ടാണ് ആക്രമണമുണ്ടായത്. അക്രമിയെ പിടികൂടാനായില്ല. ഹിസാം അവർത്ഥാനി, കിന്നൻ അബ്ഡേൽ ഹമീദ്, തസീം അഹമ്മദ് എന്നിവർക്കാണ് വെടിയേറ്റത്. ഇവരിൽ രണ്ട് പേർ ഐസിയുവിൽ ചികിത്സയിൽ തുടരുകയാണ്.
ഇസ്രയേൽ ഹമാസ് യുദ്ധത്തിന്റെ സാഹചര്യത്തിലെ വിദ്വേഷ വധശ്രമം ആകാമെന്ന വിലയിരുത്തലിലാണ് പൊലീസ്. ബര്ലിംഗ്ടണില് ഒരു കുടുംബ അത്താഴത്തിന് പോകുന്നതിനിടെയാണ് വെടിയേറ്റത്. ആക്രമണം നടക്കുമ്പോള് വിദ്യാര്ത്ഥികള് പലസ്തീനിയന് കെഫിയ ധരിച്ചിരുന്നതായാണ് റിപ്പോര്ട്ട്.
