ഒരു മാസത്തിനിടെ പുതിയ കോവിഡ് കേസുകളുടെ എണ്ണത്തില് 52 ശതമാനം വര്ദ്ധനവുണ്ടായതായി ലോകാരോഗ്യ സംഘടന. 3,000-ത്തിലധികം പുതിയ മരണങ്ങള് റിപ്പോര്ട്ട് ചെയ്യപ്പെട്ടുവെന്നും ലോകാരോഗ്യ സംഘടനയുടെ റിപ്പോർട്ട്. പുതിയ 850,000 കേസുകളാണ് റിപ്പോര്ട്ട് ചെയ്തത്.
ഡിസംബര് 17 വരെ,ആഗോളതലത്തില് 772 ദശലക്ഷത്തിലധികം സ്ഥിരീകരിച്ച കേസുകളും ഏഴ് ദശലക്ഷത്തോളം മരണങ്ങളും റിപ്പോര്ട്ട് ചെയ്യപ്പെട്ടിട്ടുണ്ടെന്നാണ് ലോകാരോഗ്യ സംഘടനയുടെ കണക്ക്. ആശുപത്രികളില് 118,000 പുതിയ കൊവിഡ് 19 കേസുകളും 1600-ലധികം ആളുകളെ തീവ്രപരിചരണ വിഭാഗത്തിലും പ്രവേശിപ്പിച്ചതായി ഡബ്ല്യുഎച്ച്ഒ പറയുന്നു.
അതേസമയം, കഴിഞ്ഞ 28 ദിവസത്തെ മരണ നിരക്കിൽ 8ശതമാനം കുറവ് രേഖപ്പെടുത്തിയിട്ടുണ്ട്.
2023 ഡിസംബര് 18 മുതലാണ് ജെഎന് 1 വേരിയന്റ് റിപ്പോര്ട്ട് ചെയ്യപ്പെട്ടു തുടങ്ങിയത്. തൊട്ടടുത്ത ആഴ്ചമുതല് ഇതിന്റെ വ്യാപനം അതിവേഗം വര്ധിക്കുകയായിരുന്നു.
