ജപ്പാനില് ശക്തമായ ഭൂചലനം. വടക്കൻ മധ്യ ജപ്പാനിൽ റിക്ടർ സ്കെയിലിൽ 7.6 തീവ്രത രേഖപ്പെടുത്തിയ ഭൂചലനം ഉണ്ടായെന്നാണ് പബ്ലിക് ബ്രോഡ്കാസ്റ്റർ എൻഎച്ച്കെയുടെ റിപ്പോർട്ട്. ഇതേ തുടർന്ന് ജപ്പാൻ കാലാവസ്ഥാ ഏജൻസിയായ ഇഷികാവ, നിഗറ്റ, ടോയാമ എന്നീ തീരപ്രദേശങ്ങളിൽ സുനാമി മുന്നറിയിപ്പ് നൽകിയിട്ടുണ്ട്.
പുതുവത്സര ദിനത്തിൽ ഉണ്ടായ ഭൂചലനം ടോക്കിയോയിലും കാന്റോ മേഖലയിലും അനുഭവപ്പെട്ടു. ആണവോർജ്ജ നിലയങ്ങളിൽ എന്തെങ്കിലും ക്രമക്കേടുകളുണ്ടായിട്ടുണ്ടോ എന്ന് രാജ്യത്തെ പവര് പ്ലാന്റുകള് പരിശോധിച്ചു വരികയാണ്. ജപ്പാന്റെ തീരപ്രദേശങ്ങളില് ഒരു മീറ്ററോളം ഉയരത്തില് തിരമാലകൾ അടിച്ചതായും റിപ്പോര്ട്ടുകളുണ്ട്.
