മുഖ്യമന്ത്രി പിണറായി വിജയന്റെ മകളുടെ കമ്പനിയുമായി ബന്ധപ്പെട്ട മാസപ്പടി ആരോപണത്തിൽ കേന്ദ്രം നടത്തുന്ന അന്വേഷണം സംബന്ധിച്ച രേഖകൾ ഹാജരാക്കാൻ ഹൈക്കോടതി. നിലവിൽ അന്വേഷണം നടക്കുന്നുണ്ടെന്ന് കേന്ദ്രസർക്കാർ അറിയിച്ചതിനെ തുടർന്നാണ് രേഖകൾ ഹാജരാക്കാൻ ഹെെക്കോടതി നിർദേശിച്ചത്.
അന്വേഷണം നടക്കുന്നുണ്ടെങ്കിലും കേന്ദ്ര കോർപറേറ്റ്കാര്യ മന്ത്രാലയത്തിലെ സീരിയസ് ഫ്രോഡ് ഇൻവെസ്റ്റിഗേഷൻ ഓഫീസ് (എസ്.എഫ്.ഐ.ഒ) അന്വേഷണത്തിന് തടസ്സമില്ലെന്ന് ഹർജിക്കാരനായ കോട്ടയം ജില്ലാ പഞ്ചായത്തംഗം അഡ്വ. ഷോൺ ജോർജ് കോടതിയെ അറിയിച്ചു. ഹർജി ഈ മാസം 24 ന് ഹർജി വീണ്ടും പരിഗണിക്കും.
സിഎംആര്എല്ലുമായി ബന്ധപ്പെട്ട് ഇന്ററിം സെറ്റിൽമെന്റ് ബോര്ഡ് ഉത്തരവിൽ പരാമര്ശിച്ച പിവി പിണറായി വിജയൻ തന്നെയാണെന്നും ഷോൺ ജോര്ജ്ജ് വ്യക്തമാക്കിയിരുന്നു. 2023 സെപ്തംബര്റിലാണ് ഷോൺ എസ്എഫ്ഐഒക്കും കോര്പറേറ്റ് മന്ത്രാലയത്തിനും ഇതു സംബന്ധിച്ച പരാതി നൽകുന്നത്. ഈ മാസം അഞ്ചിന് സിഎംആര്എല്ലും കെഎസ്ഐഡിസിയും കമ്പനി രജിസ്ട്രാര്ക്ക് വിശദീകരണം നൽകി. ഈ മറുപടി രജിസ്ട്രാര് ഓഫ് കമ്പനീസ് തനിക്ക് നൽകിയതായും അതിനുള്ള മറുപടി ഫയൽ ചെയ്തിട്ടുണ്ടെന്നും ഷോൺ പ്രതികരിച്ചു. കോടികൾ കട്ടവൻ ഒരു മാങ്ങ കക്കുമ്പോഴാകും പിടിക്കപ്പെടുകയെന്നും അത്തരമൊരു മാങ്ങയാണ് എക്സാലോജികെന്നും ഷോൺ ജോര്ജ്ജ് പറഞ്ഞു.
