കൊച്ചി: പ്രൊഫസര് ടിജെ ജോസഫിന്റെ കൈപ്പത്തി വെട്ടിമാറ്റിയ കേസില് മുഖ്യപ്രതി സവാദിന്റെ കസ്റ്റഡി കാലാവധി ഇന്ന് അവസാനിക്കും. സവാദിനെ എന്ഐഎ ഇന്ന് കൊച്ചി കോടതിയില് ഹാജരാക്കും. ചോദ്യം ചെയ്യല് പൂര്ത്തിയായതിനാല് വീണ്ടും കസ്റ്റഡിയില് ആവശ്യപ്പെടില്ലെന്നാണ് വിവരം. സവാദിനെ കൂടി ഉള്പ്പെടുത്തിയുള്ള പുതിയ കുറ്റപത്രം എന് ഐ എ ഉടന് കോടതിയില് സമര്പ്പിക്കും.
പോപ്പുലര് ഫ്രണ്ട് നേതാക്കളുടെ സഹായത്തോടെയാണ് സവാദ് ഒളിവില് കഴിഞ്ഞതെന്നാണ് അന്വേഷണ സംഘത്തിന്റെ കണ്ടെത്തല്. 13 വര്ഷമായി ഒളിവിലായിരുന്ന ഒന്നാം പ്രതിയായ സവാദിനെ കണ്ണൂരില് നിന്നാണ് കഴിഞ്ഞ മാസം എന്ഐഎ അറസ്റ്റ് ചെയ്തത്. രഹസ്യവിവരത്തിന്റെ അടിസ്ഥാനത്തിലാണ് സവാദിനെ അറസ്റ്റ് ചെയ്തത്.
