ചെന്നൈ: ചെന്നൈ – തിരുനെല്വേലി വന്ദേഭാരത് ട്രെയിനിന് നേരെ വീണ്ടും ആക്രമണം. കല്ലേറില് ട്രെയിനിന്റെ നിരവധി ജനല് ചില്ലുകള് തകര്ന്നു. കല്ലേറില് 9 കോച്ചുകളിലെ ജനല്ചില്ലുകളാണ് പൊട്ടിയത്.
കഴിഞ്ഞ ദിവസം രാത്രി 10:30ന് തിരുനെല്വേലി വാഞ്ചി മണിയാച്ചിയില് വച്ചാണ് സംഭവം. സംഭവത്തില് റെയില്വേ പൊലീസ് അന്വേഷണം ആരംഭിച്ചു. രാജ്യത്ത് വിവിധയിടങ്ങളില് വന്ദേഭാരത് ട്രെയിനുകള്ക്ക് നേരെ ആക്രമണം മുമ്പും നടന്നിരുന്നു. തിരുവനന്തപുരം കാസര്കോട് വന്ദേഭാരത് എക്സ്പ്രസിന് നേരെ കണ്ണൂരില് പലതവണ ആക്രമണമുണ്ടായിരുന്നു.
