കോട്ടയം: മയക്കുമരുന്ന് ലഹരിയില് അശ്രദ്ധമായി കാര് ഓടിച്ച് നിരവധി വാഹനങ്ങള് ഇടിച്ച ദമ്പതികളെ ക്രെയിന് ഉപയോഗിച്ച് തടഞ്ഞുനിര്ത്തിയ ശേഷം പോലീസ് പിടികൂടി. കായംകുളം സ്വദേശികളായ അരുണ്, ഭാര്യ ധനുഷ എന്നിവരെയാണ് ചിങ്ങവനം പോലീസ് കസ്റ്റഡിയിലെടുത്തത്.
മറിയപ്പള്ളി മുതല് ചിങ്ങവനം വരെയുള്ള തിരക്കേറിയ എംസി റോഡില് അമിതവേഗതയിലാണ് ഇവര് കാര് അപകടകരമായി ഓടിച്ചതെന്ന് പൊലീസ് പറഞ്ഞു. കാര് അത് കടന്നുപോയ നിരവധി വാഹനങ്ങളില് ഇടിച്ചപ്പോള് നാട്ടുകാര് തടയാന് ശ്രമിച്ചെങ്കിലും ദമ്പതികള് വേഗത കുറച്ചില്ല. നാട്ടുകാര് വിവരമറിയിച്ചതിനെ തുടര്ന്ന് സ്ഥലത്തെത്തിയ പോലീസ് ഒടുവില് റോഡിന് കുറുകെ ക്രെയിന് നിര്ത്തി കാര് തടഞ്ഞു.ഇരുവരേയും പോലീസ് കസ്റ്റഡിയിലെടുത്തു.
