തിരുവനന്തപുരം: വയനാട്ടില് തുടരുന്ന ആക്രമണത്തിന്റെ പശ്ചാത്തലത്തില് ഉന്നതലയോഗം വിളിച്ച് മുഖ്യമന്ത്രി പിണറായി വിജയന്. വനമന്ത്രിയും എംഎല്എമാരും ഉന്നത ഉദ്യോഗസ്ഥരും ഉന്നതലയോഗത്തില് പങ്കെടുക്കും. വയനാട്ടില് തുടരുന്ന വന്യജീവി ആക്രമണത്തില് സര്ക്കാരിനെതിരെ കടുത്ത വിമര്ശനം ഉയരുന്ന പശ്ചാത്തലത്തിലാണ് മുഖ്യമന്ത്രി ഉന്നതലയോഗം വിളിച്ചത്.
പനച്ചിയില് അജീഷിനെ ആക്രമിച്ച് കൊലപ്പെടുത്തിയ കാട്ടാനയെ മയക്കുവെടി വെച്ച് പിടികൂടാനുള്ള ഭൗത്യം ഇന്നും തുടരും. ജനവാസ മേഖലയില് കയറി ഒരു ജീവനെടുത്ത ആനയ്ക്കെതിരെ വനംവകുപ്പ് ഒന്നും ചെയ്യുന്നില്ലെന്നാരോപിച്ച് പ്രദേശത്ത് നാട്ടുകാരുടെ പ്രതിഷേധം തുടരുകയാണ്.
