കൊച്ചി: പിഡിപി ചെയര്മാന് അബ്ദുള് നാസര് മദനിയെ ശ്വാസതടസത്തെ തുടര്ന്ന് കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചു. അത്യാഹിത വിഭാഗത്തിലാണ് പ്രവേശിപ്പിച്ചിരിക്കുന്നത്. മദനിക്ക് ഡയാലിസിസ് ഉടന് തുടങ്ങുമെന്ന് ഡോക്ടര്മാര് അറിയിച്ചു. നിലവില് ആശങ്കപ്പെടേണ്ട സാഹചര്യം ഇല്ലെന്നും ആശുപത്രി അധികൃതര് വ്യക്തമാക്കി.
കരള് രോഗത്തിന് ഏറെ നാളായി ചികിത്സയിലാണ് അബ്ദുള് നാസര് മദനി. ജാമ്യ വ്യവസ്ഥകളില് സുപ്രീംകോടതി ഇളവ് അനുവദിച്ചതോടെ മഅദനി കേരളത്തിലേക്ക് എത്തിയിരുന്നു. കഴിഞ്ഞ വര്ഷം ജൂലൈ 20 നാണ് മദനി കേരളത്തിലെത്തിയത്. ചികിത്സയ്ക്ക് വേണ്ടി പൊലീസ് അനുമതിയോടെ കൊല്ലത്തിന് പുറത്തേക്ക് പോകാമെന്നും സുപ്രീംകോടതി ഉത്തരവിട്ടിരുന്നു.
