തിരുവനന്തപുരം: ലോക്സഭ തെരഞ്ഞെടുപ്പിലെ തിരുവനന്തപുരത്ത് സിപിഐ സ്ഥാനാര്ത്ഥിയായി മുതിര്ന്ന നേതാവ് പന്ന്യന് രവീന്ദ്രന് മത്സരിക്കും. മത്സരത്തിന് പന്ന്യന് സമ്മതമറിയിച്ചതായി സിപിഐ വ്യക്തമാക്കി.
വയനാട്ടില് ആനി രാജയും തൃശൂരില് വിഎസ് സുനില്കുമാറും മാവേലിക്കരയില് സിഎ അരുണ്കുമാറും സ്ഥാനാര്ഥികളാകും. 26ാം തീയിതി സ്ഥാനാര്ഥികളെ ഔദ്യോഗികമായി പ്രഖ്യാപിക്കും.ഫെബ്രുവരി 26 ന് നടക്കുന്ന സംസ്ഥാന നേതൃയോഗങ്ങളിലായിരിക്കും അന്തിമ തീരുമാനം.
മത്സരിക്കാന് താല്പര്യമില്ലെന്ന് നേതൃത്വത്തെ അറിയിച്ചെങ്കിലും സമ്മര്ദത്തിനൊടുവില് തിരുവനന്തപുരത്ത് സ്ഥാനാര്ഥിയാകാമെന്ന് പന്ന്യന് സമ്മതം അറിയിക്കുകയായിരുന്നു. വിഎസ് സുനില് കുമാര് മത്സരരംഗത്ത് എത്തിയതോടെ തൃശൂരില് ശക്തമായ പോരാട്ടത്തിന് കളമൊരുങ്ങി.
