തിരുവനന്തപുരം: പൂക്കോട് വെറ്ററിനറി സര്വകലാശാലയില് ക്രൂരമായ മര്ദ്ദനത്തിന് ഇരയായി ആത്മഹത്യ ചെയ്ത സിദ്ധാര്ത്ഥിന്റെ കുടുംബത്തെ സന്ദര്ശിച്ച് മന്ത്രി വി ശിവന്കുട്ടി. സംഭവത്തിന് പിന്നില് ആരാണെങ്കിലും മുഖം നോക്കാതെ നടപടിയെടുക്കുമെന്നും നിയമത്തിന് മുന്നില് കൊണ്ടുവന്ന് പരമാവധി ശിക്ഷ ഉറപ്പാക്കുമെന്നും മന്ത്രി ഉറപ്പ് നല്കി.
മുഖ്യമന്ത്രി പിണറായിവിജയന്റെ സന്ദേശവും മന്ത്രി പിതാവിനെ അറിയിച്ചു. യാതൊരുവിധ രാഷ്ട്രീയ താല്പര്യവും ഇക്കാര്യത്തില് പരിഗണിക്കില്ലെന്നും മന്ത്രി പറഞ്ഞു. അതേസമയം, സിദ്ധാര്ത്ഥിന്റെ മരണവുമായി ബന്ധപ്പെട്ട് മൂന്ന് പേരുടെ അറസ്റ്റ് കൂടി രേഖപ്പെടുത്തി. വെറ്ററിനറി കോളേജ് യൂണിയന് പ്രസിഡന്റ് കെ അരുണ്, എസ്.എഫ്.ഐ യൂണിറ്റ് സെക്രട്ടറി അമല് ഇഹ്സാന്, യൂണിയന് അംഗം ആസിഫ് ഖാന് എന്നിവരുടെ അറസ്റ്റാണ് രേഖപ്പെടുത്തിയത്. ഇതോടെ കേസില് അറസ്റ്റിലായവരുടെ എണം പത്തായി. ബാക്കിയുള്ള എട്ട് പേര് ഒളിവിലാണ്.
