റാന്നി പ്ലാച്ചേരി ഫോറസ്റ്റ് സ്റ്റേഷന് പരിസരത്ത് കഞ്ചാവ് കൃഷി കണ്ടെടുത്തു. കൃഷി നടന്നത് ഡെപ്യൂട്ടി റേഞ്ച് ഓഫിസറുടെ അറിവോടെയാണെന്നാണ് വകുപ്പുതല അന്വേഷണ റിപ്പോര്ട്ട്. നാല്പ്പതോളം വരുന്ന കഞ്ചാവുചെടികളാണ് ഗ്രോ ബാഗില് നട്ടുവളര്ത്തിയത്. കഞ്ചാവുകൃഷി നടത്തിയത് വനംവകുപ്പ് ഉദ്യോഗസ്ഥര് തന്നെയാണെന്ന് സമ്മതിക്കുന്ന ഫോറസ്റ്റ് വാച്ചര് അജേഷിന്റെ വിഡിയോ സന്ദേശവും പുറത്ത് വന്നിട്ടുണ്ട്.
ഡെപ്യൂട്ടി ഫോറസ്റ്റ് റേഞ്ച് ഓഫിസര് അജയ്യുടെ അറിവോടെയാണ് കഞ്ചാവുകൃഷി നടത്തിയതെന്ന് സ്ഥിരീകരിച്ചിട്ടുണ്ട്. ബീറ്റ് ഓഫിസറായ സാം കെ സാമുവേല്, കൂടാതെ മൂന്ന് വനിതകള് എന്നിവര്ക്ക് കഞ്ചാവുകൃഷിയെക്കുറിച്ച് അറിവുണ്ടായിരുന്നുവെന്നും കണ്ടെത്തി. ഉദ്യോഗസ്ഥര്ക്കെതിരായ അന്വേഷണ റിപ്പോര്ട്ട് വനംവകുപ്പിലെ ഉന്നത ഉദ്യോഗസ്ഥര്ക്ക് കൈമാറിയിട്ടുണ്ട്.