തിരുവനന്തപുരം: എന്ഡിഎ സ്ഥാനാര്ത്ഥികളുടെ തെരഞ്ഞെടുപ്പ് പ്രചരണത്തിന് ആക്കം കൂട്ടുവാന് പ്രധാനമന്ത്രി മോദി വീണ്ടും കേരളത്തിലെത്തുന്നു. തിരുവനന്തപുരം, തൃശൂര്, കോഴിക്കോട് മണ്ഡലങ്ങളിലെ സ്ഥാനാര്ഥികളുടെ പ്രചാരണത്തിനാണ് മോദി വരുന്നത്. ഈ മാസം അവസാനമോ, ഏപ്രില് ആദ്യ വാരമോ ആയിരിക്കും മോദിയുടെ സന്ദര്ശനം. മന്ത്രിമാരായ അമിത് ഷാ, രാജ്നാഥ് സിങ് തുടങ്ങിയവരും എത്തുന്നുണ്ട്.
സമീപ കാലത്ത് അഞ്ച് തവണയാണ് മോദി കേരളത്തിലെത്തിയത്. തൃശൂര്, എറണാകുളം, തിരുവനന്തപുരം, പത്തനംതിട്ട, പാലക്കാട് എന്നിവിടങ്ങളിലാണ് മോദി പങ്കെടുത്ത പരിപടികള്. അടുത്ത മാസം നടക്കുന്ന പൊതുതിരഞ്ഞെടുപ്പിനുള്ള അഞ്ചാംഘട്ട സ്ഥാനാര്ത്ഥി പട്ടിക ബിജെപി പ്രഖ്യാപിച്ചു. വയനാട്ടില് രാഹുല് ഗാന്ധിക്കെതിരെ ബിജെപി സംസ്ഥാന അധ്യക്ഷന് കെ സുരേന്ദ്രന് ആണ് മത്സരിക്കുന്നത്. ആലത്തൂരില് ഡോ. ടി എന് സരസുവും എറണാകുളത്ത് ഡോ. കെ എസ് രാധാകൃഷ്ണനും കൊല്ലത്ത് ജി കൃഷ്ണകുമാറുമാണ് മറ്റ് സ്ഥാനാര്ത്ഥികള്.
