പത്തനംതിട്ട: അടൂരില് കാര് അപകടത്തില് രണ്ട് പേര്ക്ക് ദാരുണാന്ത്യം. കാര് യാത്രികരായ തുമ്പമണ് സ്വദേശിനി അനുജ, ചാരുമൂട് സ്വദേശി ഹാഷിം എന്നിവരാണ് അപകടത്തില് മരിച്ചത്. തുമ്പമണ് നോര്ത്ത് ജിഎച്ച്എസ്എസിലെ അധ്യാപികയാണ് നൂറനാട് സ്വദേശിയായ അനുജ. ഹാഷിം ചാരുംമൂട് സ്വദേശിയാണ്.
എന്നാല് സംഭവത്തില് ദുരൂഹതയുണ്ടോയെന്ന് പോലീസ് സംശയിക്കുന്നുണ്ട്. വിനോദയാത്ര കഴിഞ്ഞ് മടങ്ങിവരികയായിരുന്ന അനുജയെ ട്രാവലര് തടഞ്ഞുനിര്ത്തിയാണ് ഹാഷിം കാറില് കയറ്റികൊണ്ടു പോയത്.
സംഭവത്തില് മറ്റ് അസ്വാഭാവികതയൊന്നും തോന്നിയില്ലെന്നാണ് കൂടെയുണ്ടായിരുന്ന അധ്യാപകര് പ്രതികരിച്ചത്.
കാര് അമിത വേഗതയിലായിരുന്നുവെന്ന് ദൃക്സാക്ഷികള് പറയുന്നു. സിസിടിവി ദൃശ്യങ്ങള് ഉള്പ്പടെ ശേഖരിച്ച് പൊലീസ് അന്വേഷണം പുരോഗമിക്കുകയാണ്. അമിത വേഗതയില് കാര് ലോറിയില് ഇടിപ്പിച്ചതാണോയെന്നുള്പ്പടെ പരിശോധിക്കുന്നുണ്ട്.
