സംസ്ഥാനത്ത് സ്വര്ണവിലയില് നേരിയ ഇടിവ്. ഇന്നലെ പവന് അരലക്ഷത്തിന് മുകളിലായിരുന്നു. ഇന്ന് പവന് 200 രൂപയാണ് കുറഞ്ഞിരിക്കുന്നത്. ഒരു ഗ്രാം സ്വര്ണത്തിന് 25 രൂപയും കുറഞ്ഞു. ഇതോടെ ഒരു പവന് സ്വര്ണത്തിന് 50,200 രൂപയും ഒരു ഗ്രാമിന് 6275 രൂപയുമായി.
ഇന്നലെ പവന് 50,400 ആയിരുന്നു വില. ഗ്രാമിന് 130 രൂപയാണ് ഇന്നലെ വര്ധിച്ചത്. 6300 രൂപയായിരുന്നു ഒരു ഗ്രാം സ്വര്ണത്തിന്റെ വില. രാജ്യാന്തര വിപണിയിലെ വിലവര്ധനവാണ് കേരളത്തിലും വില കൂടാന് കാരണം. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് പേര് എത്തുന്നതാണ് വില ഉയരാന് കാരണമെന്ന് വിപണി വിദഗ്ധര് പറയുന്നു.
