കല്പ്പറ്റ: ലോക്സഭ സ്ഥാനാര്ത്ഥി പ്രഖ്യാപനത്തിനു ശേഷം രാഹുല്ഗാന്ധി ആദ്യമായി വയനാട്ടിലെത്തി. പ്രിയങ്കാ ഗാന്ധിയോടൊപ്പമാണ് രാഹുല് എത്തിയത്. വയനാട്ടിലത്തെിയ രാഹുലിന് ആവേശോജ്വലമായ വരവേല്പ്പാണ് യുഡിഎഫ് പ്രവര്ത്തകര് നല്കിയത്. വയനാട്ടില് പ്രത്യേകം തയ്യാറാക്കിയ ഹെലിപാഡിലാണ് രാഹുല് ഇറങ്ങിയത്.
റോഡ് മാര്ഗം കല്പ്പറ്റയിലേക്ക് പോയ ശേഷം ഇന്ന് തന്നെ രാഹുല് ഗാന്ധി നാമനിര്ദേശപത്രിക സമര്പ്പിക്കും. നാമനിര്ദ്ദേശ പത്രിക സമര്പ്പണത്തിന് മുന്നോടിയായി കല്പ്പറ്റയില് നടക്കുന്ന റോഡ് ഷോയില് ആയിരക്കണക്കിന് കോണ്ഗ്രസ് പ്രവര്ത്തകര് പങ്കെടുക്കും. കല്പ്പറ്റ പുതിയ ബസ്സ്റ്റാന്ഡ് പരിസരത്തുനിന്ന് ആരംഭിക്കുന്ന റോഡ് ഷോയില് വയനാട് ലോക്സഭാ മണ്ഡലത്തിലുള്പ്പെട്ട ഏഴ് നിയോജക മണ്ഡലങ്ങളിലെ ആയിരക്കണക്കിന് പ്രവര്ത്തകര് അണിനിരക്കും. കല്പ്പറ്റ സിവില് സ്റ്റേഷന് പരിസരത്തെ റോഡ് ഷോ സമാപനത്തിനുശേഷമാണ് രാഹുല് ഗാന്ധി നാമനിര്ദേശ പത്രിക സമര്പ്പിക്കുക.
