തിരുവനന്തപുരം: ടിടിഇക്ക് നേരെ ട്രെയിനില് വീണ്ടും ആക്രമണം. തിരുവനന്തപുരം-കോഴിക്കോട് ജനശദാബ്ദി എക്സ്പ്രസിലെ ടിടിഇ ജയ്സനാണ് തമ്പാനൂര് റെയില്വേ സ്റ്റേഷനില് വെച്ച് ആക്രമിക്കപ്പെട്ടത്. ഭിക്ഷക്കാരന് ട്രെയിനില് കയറുന്നത് തടയാന് ശ്രമിച്ചപ്പോള് ജയ്സനെ അക്രമിക്കുകയായിരുന്നു. ഭക്ഷണ വില്പ്പനക്കാരെയും ആക്രമിച്ച ശേഷം ഇയാള് ട്രെയിനില് കയറാന് ശ്രമിക്കുകയായിരുന്നു.
ഇയാളെ അധികൃതര് പിന്തുടര്ന്നെങ്കിലും പിടികൂടാനായില്ല. കഴിഞ്ഞ ദിവസമാണ് ട്രെയിനില് അതിഥി തൊഴിലാളിയുടെ ആക്രമണത്തില് ടിടിഇ അതി ദാരുണമായി കൊല്ലപ്പെട്ടത്. ടിക്കറ്റില്ലാതെ റിസര്വേഷന് കോച്ചില് കയറിയതിന് പിഴ അടക്കാന് ആവശ്യപ്പെട്ടതിനിടെ തുടര്ന്നായിരുന്നു ഒഡിഷ സ്വദേശിയായ പ്രതി ടിടിഇ കെ വിനോദിനെ ട്രെയിനില് നിന്ന് തള്ളിയിട്ട് കൊലപ്പെടുത്തിയത്.
