തിരുവനന്തപുരം: കിളിമാനൂരില് പ്രായപൂര്ത്തിയാകാത്ത പെണ്കുട്ടിയെ സംഘം ചേര്ന്ന് പീഡിപ്പിച്ച കേസില് മൂന്ന് പേര് അറസ്റ്റില്. പ്രതികളെ കിളിമാനൂര് പൊലീസ് അറസ്റ്റ് ചെയ്തു. പെണ്കുട്ടിയുമായി ഇന്സ്റ്റഗ്രാം വഴിയുള്ള പരിചയമാണ്. വീട്ടില് നിന്നും വിളിച്ചിറക്കി ഉപദ്രവിച്ചെന്നാണ് മൊഴി. ഇന്നലെ രാത്രിയായിരുന്നു സംഭവം.
പതിനേഴുകാരിയെ വര്ക്കല വെണ്കുളം സ്വദേശിയായ ഹുസൈനും സുഹൃത്തുക്കളും ചേര്ന്ന് രാത്രി വീട്ടിലെത്തി പുറത്തേക്ക് വിളിച്ച് വരുത്തുകയായിരുന്നു. അതിനുശേഷം പെണ്കുട്ടിയെ ഇവര് ഉപദ്രവിക്കുകയായിരുന്നു. സാരമായി പരിക്കേറ്റ പെണ്കുട്ടി ആശുപത്രിയില് ചികിത്സയിലാണ്. പെണ്കുട്ടിയുടെ മൊഴിയുടെ അടിസ്ഥാനത്തില് പ്രതികളെ കസ്റ്റഡിയില് എടുത്തതായി കിളിമാനൂര് പൊലീസ് പറഞ്ഞു.
