കൊല്ലം: സിപിഎം സംസ്ഥാന സമിതി അംഗം ചിന്ത ജെറോമിനെ കാറിടിച്ച് പരിക്കേല്പ്പിച്ചെന്ന പരാതിയില് കേസെടുത്തു. കൊല്ലം ഈസ്റ്റ് പൊലീസാണ് കേസെടുത്തത്. യൂത്ത് കോണ്ഗ്രസ്, കെഎസ് യു പ്രവര്ത്തകര്ക്കെതിരെ വധശ്രമം ചുമത്തിയാണ് കേസ്. എന്നാല് കാര് പിന്നോട്ടെടുത്തപ്പോള് അബദ്ധത്തില് ചിന്തയുടെ ദേഹത്ത് മുട്ടിയതാണെന്നാണ് ആരോപണവിധേയരുടെ വിശദീകരണം.
തെരഞ്ഞെടുപ്പ് അനുബന്ധിച്ച് തിരുമുല്ലവാരത്ത് ചാനല് ചര്ച്ച കഴിഞ്ഞ് മടങ്ങുമ്പോഴാണ് സംഭവം നടന്നത്. യൂത്ത് കോണ്ഗ്രസ് പ്രവര്ത്തകന് സെയ്ദലി, കെഎസ്യു ജില്ലാ വൈസ് പ്രസിഡന്റ് ഫൈസല് എന്നിവര്ക്കെതിരെ വധശ്രമം, ഗൂഢാലോചന, അസഭ്യം പറയല്, ഭീഷണിപ്പെടുത്തല് തുടങ്ങിയ കുറ്റങ്ങള് ചുമത്തിയാണ് കേസ്. സെയ്ദലി മനഃപൂര്വം കാര് പിന്നോട്ടെടുത്ത് ഇടിപ്പിച്ചെന്നും ഫൈസല് അസഭ്യം പറഞ്ഞ് ഭീഷണിപ്പെടുത്തിയെന്നുമാണ് പരാതി. ചിന്ത ജെറോം എന്എസ് സഹകരണ ആശുപത്രിയില് ചികില്സയിലാണ്.
