തിരുവനന്തപുരം: സംസ്ഥാനത്ത് ഇടവിട്ട് പെയ്യുന്ന മഴ ഡെങ്കിപ്പനിക്ക് കാരണമാകാന് സാധ്യതയെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഡെങ്കിപ്പനി ഉള്പ്പെടെയുള്ള കൊതുകുജന്യ രോഗങ്ങള് വര്ധിക്കാന് സാധ്യതയുള്ളതിനാല് ജാഗ്രത പാലിക്കണമെന്ന് മുന്നറിയിപ്പ് നല്കി.
ഡെങ്കിപ്പനി, ചിക്കുന്ഗുനിയ, മലേറിയ, ഫൈലേറിയസിസ്, സിക്ക തുടങ്ങിയ ഗുരുതര രോഗങ്ങള് കൊതുക് വഴി പകരാന് സാധ്യതയുണ്ട്. അതിനാല് കൊതുകിന്റെ ഉറവിട നശീകരണത്തിന് പ്രാധാന്യം നല്കണമെന്നും മന്ത്രി പറഞ്ഞു. വീടും പരിസരവും വൃത്തിയായി സൂക്ഷിക്കേണ്ടതും നിര്ബന്ധമാണ്.
വീടിനകത്തും പുറത്തും വെള്ളം കെട്ടി നില്ക്കാന് അനുവദിക്കരുത്. കൊതുകുകടി ഏല്ക്കാതിരിക്കാന് മുന്കരുതലുകള് സ്വീകരിക്കണം. മഴക്കാലപൂര്വ്വ ശുചീകരണ പ്രവര്ത്തനങ്ങള് കൂടുതല് ശക്തമാക്കണമെന്നും മന്ത്രി നിര്ദേശം നല്കി.
