കണ്ണൂര്: മുതിര്ന്ന പൗരന്മാര്ക്ക് തങ്ങളുടെ വീട്ടില്വെച്ച് വോട്ടവകാശം വിനിയോഗിക്കുന്നതിന് ഏര്പ്പെടുത്തിയ സംവിധാനത്തിലൂടെ വീണ്ടും കള്ളവോട്ട് നടന്നതായി പരാതി. കണ്ണൂരില് യുഡിഎഫ് സ്ഥാനാര്ത്ഥിയുടെ നേതൃത്വത്തില് ആസൂത്രിതമായി വ്യാജവോട്ടുകള് ചെയ്തുവെന്നാണ് പരാതി.
70-ാം ബൂത്തിലെ 1420-ാം നമ്പര് പേരുകാരിയായ 86 വയസ്സുള്ള കമലാക്ഷിയുടെ വോട്ട് ഇതേ ബൂത്തിലെ 1148-ാം നമ്പര് വോട്ടറായ വി കമലാക്ഷി എന്നയാള് രേഖപ്പെടുത്തിയെന്നാണ് പരാതി. ആള്മാറാട്ടം ആരോപിച്ചാണ് എല്ഡിഎഫ് രംഗത്തെത്തയിരിക്കുന്നത്. യുഡിഎഫ് പ്രവര്ത്തക കൂടിയായ ബൂത്ത് ലെവല് ഓഫീസര് ഗീത രാഷ്ട്രീയതാല്പ്പര്യം വെച്ച് ആള്മാറാട്ടത്തിലൂടെ വ്യാജ വോട്ടറായ വി കമലാക്ഷിയെക്കൊണ്ട് വ്യാജവോട്ട് ചെയ്യിപ്പിച്ചുവെന്നും എല്ഡിഎഫ് ആരോപിക്കുന്നു.
