തിരുവനന്തപുരം: സംസ്ഥാനത്ത് ഇന്ന് പത്ത് ജില്ലകളില് ഉയര്ന്ന താപനില മുന്നറിയിപ്പ്. അതേ സമയം, കേരളത്തിലുടനീളം മിതമായ മഴ മുന്നറിയിപ്പുമുണ്ട്. പാലക്കാട്, ആലപ്പുഴ, കൊല്ലം, പത്തനംതിട്ട, കോട്ടയം, തൃശൂര്, കോഴിക്കോട്, കണ്ണൂര്, എറണാകുളം, കാസര്ക്കോട് ജില്ലകളിലാണ് ഉയര്ന്ന താപനില മുന്നറിയിപ്പ്. യെല്ലോ അലര്ട്ടാണ് ജില്ലകളില് പ്രഖ്യാപിച്ചത്.
ഉയര്ന്ന താപനിലയുള്ള പാലക്കാട് ജില്ലയില് നാല് ദിവസം കൂടി 39 ഡിഗ്രി സെല്ഷ്യസ് തന്നെ തുടരും. ആലപ്പുഴ, കൊല്ലം, പത്തനംതിട്ട, കോട്ടയം, തൃശൂര്, കോഴിക്കോട്, കണ്ണൂര് ജില്ലകളില് ഉയര്ന്ന താപനില 37 ഡിഗ്രി സെല്ഷ്യസ് വരെയും എറണാകുളം, കാസര്ക്കോട് ജില്ലകളില് ഉയര്ന്ന താപനില 36 ഡിഗ്രി സെല്ഷ്യസ് വരെയും താപനില ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
