ഉയര്ന്ന താപനില മുന്നറിയിപ്പായ ഓറഞ്ച് അലേര്ട്ട് പ്രഖ്യാപിച്ച പശ്ചാത്തലത്തില് പാലക്കാട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് അവധി. കിടപ്പുരോഗികള്, ഗര്ഭിണികള്, ഗുരുതര രോഗങ്ങള് ഉള്ളവര് എന്നിവര് ചികിത്സയിലുള്ള ആശുപത്രി വാര്ഡുകളില് കൂളറുകള് സ്ഥാപിക്കാനും നിര്ദേശം നല്കിയിട്ടുണ്ട്. ഓറഞ്ച് അലര്ട്ട് പ്രഖ്യാപിക്കുന്ന ദിവസങ്ങളില് അവധി നല്കാനാണ് നിര്ദ്ദേശം.
ജില്ലയിലുടനീളം തണ്ണീര്പ്പന്തലുകള് ആരംഭിക്കണം. പുറം മൈതാനിയില് നടക്കുന്ന കായിക വിനോദങ്ങള് 11 മുതല് 3 മണി വരെ അനുവദിക്കില്ല. റെഡ് അലേര്ട്ട് നല്കിയാല് ഇരുചക്ര വാഹനങ്ങള് പുറത്ത് ഇറക്കുന്നതില് അടക്കം നിയന്ത്രണം ഏര്പ്പെടുത്തേണ്ടി വരുമെന്ന് ദുരന്തനിവാരണ അതോറിറ്റി ജില്ലാ കളക്ടര്ക്ക് നിര്ദ്ദേശം നല്കി.
അതേ സമയം, സംസ്ഥാനത്ത് ഉഷ്ണതരംഗ സാധ്യത നിലനില്ക്കുകയും പകല് താപനില ക്രമാതീതമായി ഉയരുകയും ചെയ്യുന്ന സാഹചര്യത്തില് എല്ലാ സര്ക്കാര് സ്വകാര്യ ഐടികള്ക്കും (30/ 4/ 2024 ) മുതല് മേയ് 4 വരെ അവധി പ്രഖ്യാപിച്ചതായി ഡയറക്ടര് അറിയിച്ചു.
