കണ്ണൂര്: ബിജെപി നേതാവ് ശോഭ സുരേന്ദ്രനും ദല്ലാള് നന്ദകുമാറിനുമെതിരെ പരാതി നല്കി എല്ഡിഎഫ് കണ്വീനര് ഇ പി ജയരാജന്. തനിക്കെതിരെ ഗൂഢാലോചന നടത്തുന്നുവെന്ന പരാതി ഡിജിപിക്ക് നല്കിയത്. ഇരുവര്ക്കുമെതിരെ ഇ പി ജയരാജന് വക്കീല് നോട്ടീസ് അയച്ചിരുന്നു. അന്വേഷണത്തിന് പ്രത്യേക സംഘത്തെ നിയോഗിച്ചേക്കുമെന്നാണ് വിവരം.
ഇവര്ക്ക് പുറമെ കെപിസിസി അധ്യക്ഷന് കെ സുധാകരനും നോട്ടീസ് അയച്ചു. ഇതിന് പിന്നാലെയാണ് ഡിജിപിക്ക് പരാതി നല്കിയിരിക്കുന്നത്. തന്നെയും പാര്ട്ടിയെയും അധിക്ഷേപിക്കുന്നതിനും കരിവാരി തേക്കുന്നതിനുമാണ് ഇത്തരം വിവാദങ്ങളെന്നാണ് ഇ പിയുടെ നിലപാട്.
