തിരുവനന്തപുരം: സംസ്ഥാനത്ത് ഇന്നും ഉയര്ന്ന താപനില. മൂന്ന് ജില്ലകളില് ഉഷ്ണ തരംഗ സാധ്യതയും പ്രവചിക്കുന്നു. ഇടി മിന്നലോടു കൂടിയ മഴയ്ക്കും സാധ്യതയുണ്ടെന്നു കാലാവസ്ഥാ വകുപ്പ്. പാലക്കാട്, തൃശൂര്, കോഴിക്കോട് ജില്ലകളില് ഉഷ്ണ തരംഗ സാധ്യത നിലനില്ക്കുന്നതിനാല് യെല്ലോ അലര്ട്ട് പ്രഖ്യാപിച്ചു.
12 ജില്ലകളിലാണ് ഉയര്ന്ന താപനില മുന്നറിയിപ്പുള്ളത്. പാലക്കാട്, തൃശൂര്, കോഴിക്കോട്, കൊല്ലം, കോട്ടയം, ആലപ്പുഴ, പത്തനംതിട്ട, കണ്ണൂര്, തിരുവനന്തപുരം, എറണാകുളം, കാസര്ക്കോട്, മലപ്പുറം ജില്ലകളിലാണ് ഉയര്ന്ന താപനില മുന്നറിയിപ്പ്. ഈ ജില്ലകളില് യെല്ലോ അലര്ട്ടാണ് പ്രഖ്യാപിച്ചത്.
പാലക്കാട്, തൃശൂര്, കോഴിക്കോട് ജില്ലയിലെ ചില പ്രദേശങ്ങളില് ഇന്നും ഉഷ്ണതരംഗ സാധ്യത തുടരുന്നതിനാല് കേന്ദ്ര കാലാവസ്ഥ വകുപ്പ് മഞ്ഞ അലര്ട്ട് പ്രഖ്യാപിച്ചു. പാലക്കാട്, തൃശൂര്, കോഴിക്കോട് ജില്ലകളിലെ വിവിധ പ്രദേശങ്ങളില് ഉഷ്ണതരംഗ സാഹചര്യം നിലനില്ക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.
