പത്തനംതിട്ട: പെരുമ്പെട്ടിയില് വൃദ്ധദമ്പതികളെ വീട്ടിനുള്ളില് മരിച്ച നിലയില് കണ്ടെത്തി. ചെങ്ങാറമല സ്വദേശികളായ ഹൈദ്രോസ് (90), ഖുല്സു ബീവി (85) എന്നിവരാണ് മരിച്ചത്. മൃതദേഹങ്ങള്ക്ക് ഒരാഴ്ചയോളം പഴക്കമുണ്ടെന്നാണ് പോലീസ് നിഗമനം. ഉള്ളില് ദുര്ഗന്ധം വമിക്കുന്ന രീതിയിലായിരുനന്ു.
ഇന്നലെ വൈകുന്നേരം ഏഴ് മണിയോടെയാണ് ഹൈദ്രോസിന്റെ സഹോദരന്റെ മകന് വീട്ടില് അന്വേഷിച്ചെത്തുകയും വീടിനുള്ളില് നിന്ന് ദുര്ഗന്ധം വമിക്കുന്നത് ശ്രദ്ധയില്പെട്ടതോടെ പൊലീസില് വിവരമറിയിക്കുകയായിരുന്നു. വീട് അകത്തു നിന്നും പൂട്ടിയ നിലയിലായിരുന്നു. തുടര്ന്ന് പൊലീസെത്തി പരിശോധിച്ചപ്പോഴാണ് മൃതദേഹങ്ങള് കണ്ടെത്തിയത്. ദമ്പതികള്ക്ക് മക്കള് ഇല്ല. പോലീസ് കൂടുതല് അന്വേഷണം ആരംഭിച്ചിട്ടുണ്ട്.
