കോഴിക്കോട്: കട്ടാങ്ങല് എന്ഐടി കോളേജില് വിദ്യാര്ത്ഥി ആത്മഹത്യ ചെയ്തു. മുംബൈ സ്വദേശി യോഗേശ്വര് നാഥ് ആണ് ഹോസ്റ്റലില് നിന്നും ചാടി ജീവനൊടുക്കിയത്. ഇന്നു രാവിലെ ആറുമണിയോടെയാണ് എന്ഐടിയിലെ സി ബ്ലോക്ക് ഹോസ്റ്റലില് നിന്നും വിദ്യാര്ത്ഥി താഴേക്ക് ചാടിയത്. ഇതിനു മുമ്പ് ഇവിടെ വിദ്യാര്ത്ഥികള് ആത്മഹത്യ ചെയ്തിട്ടുണ്ട്. ആത്മഹത്യ ചെയ്യാനുള്ള കാരണം ഇതുവരേയും വ്യക്തമല്ല.
പരിക്കേറ്റ യോഗേശ്വര്നാഥിനെ ഉടനെ തന്നെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. മൂന്നാം വര്ഷ മെക്കാനിക്കല് എഞ്ചിനീയറിങ് വിദ്യാര്ത്ഥിയാണ് യോഗേശ്വര് നാഥ്. പോസ്റ്റ് മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടു നല്കും. മരണകാരണം അന്വേഷിച്ചു വരികയാണെന്ന് പൊലീസ് സൂചിപ്പിച്ചു.
