പാലക്കാട്: പാലക്കാട് ജില്ലയില് ബുധനാഴ്ച വരെ കടുത്ത ചൂട് തുടരുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. 39°C വരെ താപനില ഉയരുന്നതിനാല് ജില്ലയില് യെല്ലോ അലര്ട്ട് തുടരും. വിദ്യാഭ്യാസ സ്ഥാപനങ്ങള്ക്ക് ബുധനാഴ്ച വരെ അവധി പ്രഖ്യാപിച്ചു. ഓണ്ലൈന് ക്ലാസുകള് മാത്രമേ പാടുള്ളുവെന്നും കായിക പരിപാടികള്, പരേഡുകള് എന്നിവ 11 മണി മുതല് മൂന്ന് മണിവരെ പാടില്ലെന്നും ജില്ലാ ഭരണകൂടം അറിയിച്ചു.
ജില്ലയില് മെയ് 8 വരെ നിലവിലുണ്ടായിരുന്ന നിയന്ത്രണങ്ങള് തുടരുമെന്ന് ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ ജില്ലാ കളക്ടര് ഡോ. എസ് ചിത്ര അറിയിച്ചു. പ്രൊഫഷണല് കോളജുകള്, മെഡിക്കല് കോളജുകള് ഉള്പ്പടെയുളള വിദ്യാഭ്യാസസ്ഥാപനങ്ങള് ട്യൂട്ടോറിയല്സ്, അഡീഷണല് ക്ലാസുകള് , സമ്മര് ക്ലാസുകള് എന്നിവ മെയ് 8 വരെ അടച്ചിടാനും, ഓണ്ലൈനായി മാത്രം പ്രവര്ത്തനം നടത്താനുമാണ് നിര്ദ്ദേശം.
