തിരുവനന്തപുരം: ഹയര്സെക്കണ്ടറി, വൊക്കേഷണല് ഹയര് സെക്കണ്ടറി പരീക്ഷാ ഫലം ഇന്ന് മൂന്ന് മണിക്ക് പ്രഖ്യാപിക്കും. 4,41,120 വിദ്യാര്ത്ഥികളാണ് ഇത്തവണ ഹയര്സെക്കന്ഡറി പരീക്ഷ എഴുതിയത്. സംസ്ഥാനത്തൊട്ടാകെ 77 ക്യാമ്പുകളിലായി ഇരുപത്തി അയ്യായിരത്തോളം അധ്യാപകരാണ് പരീക്ഷ മൂല്യനിര്ണ്ണയം പൂത്തിയാക്കിയത്. ഏപ്രില് മൂന്ന് മുതല് 24 വരെയാണ് ഹയര് സെക്കണ്ടറി മൂല്യനിര്ണ്ണയം നടന്നത്.
കഴിഞ്ഞ വര്ഷം മെയ് 25നായിരുന്നു ഫലപ്രഖ്യാപനം നടത്തിയത്. ഇത്തവണ നേരത്തേയാണ്. ഫലമറിയുന്നതിനായി വിപുലമായ സംവിധാനമാണ് സര്ക്കാര് ഒരുക്കിയിട്ടുള്ളത്. www.keralaresults.nic.in, www.vhse.kerala.gov.in, www.results.kite.kerala.gov.in, www.prd.kerala.gov.in, www.examresults.kerala.gov.in, www.results.kerala.nic.in ഫലപ്രഖ്യാപനത്തിനായി വിദ്യാഭ്യാസ വകുപ്പ് സജ്ജമാക്കിയ വെബ്സൈറ്റുകള് ആണിത്. കൂടാതെ പിആര്ഡി ലൈവ് മൊബൈല് ആപ്പിലും റിസള്ട്ട് ലഭ്യമാകും. 82.95 ശതമാനമായിരുന്നു കഴിഞ്ഞ വര്ഷത്തെ വിജയശതമാനം. കഴിഞ്ഞ വര്ഷം മെയ് 25നായിരുന്നു ഫലപ്രഖ്യാപനം നടത്തിയത്.
