ആലപ്പുഴയില് ഓട്ടോ ഡ്രൈവറുടെ മൃതദേഹം വീട്ടിനുള്ളില് കത്തിക്കരിഞ്ഞ നിലയില് കണ്ടെത്തി. വള്ളികുന്നം സ്വാതി നിവാസില് ചന്ദ്രകുമാറിനെയാണ് ( 62 ) പൊള്ളലേറ്റ് മരിച്ച നിലയില് കണ്ടെത്തിയത്.
ചന്ദ്രകുമാര് ബന്ധുക്കളുമായി രണ്ട് വര്ഷമായി അകല്ച്ചയിലാണ്. വാടകവീട്ടില് തനിച്ചാണ് താമസം. ഈ വീട്ടിലെ കിടപ്പുമുറിയിലാണു മൃതദേഹം കണ്ടെത്തിയത്. ഇന്നു രാവിലെ ഓട്ടം വിളിച്ചിരുന്ന ആള് ചന്ദ്രകുമാറിനെ വിളിച്ചപ്പോള് ഫോണില് ലഭിച്ചില്ല. തുടര്ന്ന് വീട്ടിലെത്തി അന്വേഷിച്ചപ്പോഴാണ് ചന്ദ്രകുമാറിനെ മരിച്ച നിലയില് കണ്ടെത്തിയത്. ഉടനെ പൊലീസിനെ വിവരം അറിയിക്കുകയായിരുന്നു. പോലീസ് കൂടുതല് അന്വേഷണം നടത്തുന്നുണ്ട്.
