തിരുവനന്തപുരം: ഈ വര്ഷത്തെ സിബിഎസ്ഇ പ്ലസ്ടു ഫലം പ്രഖ്യാപിച്ചു. 87.98 ശതമാനമാണ് വിജയം. തിരുവനന്തപുരം മേഖലയിലാണ് ഏറ്റവും ഉയര്ന്ന വിജയ ശതമാനം. 99.91 ശതമാനമാണ്. 98.47 ശതമാനത്തോടെ ചെന്നൈ രണ്ടാം സ്ഥാനത്തും 96.95 ശതമാനത്തോടെ ബെംഗളൂരു മൂന്നാം സ്ഥാനത്തുമാണ്.
24,000ത്തിലധികം പേര് 96 ശതമാനത്തിലധികം മാര്ക്ക് നേടി. 1.16 ലക്ഷം പേര് 90 ശതമാനത്തിലധികം മാര്ക്കും നേടി. ആണ്കുട്ടികളെ അപേക്ഷിച്ച് പെണ്കുട്ടികളാണ് മികച്ച പ്രകടനം കാഴ്ചവെച്ചത്. 91 ശതമാനത്തിലധികം പെണ്കുട്ടികളും പരീക്ഷയില് വിജയം നേടിയിട്ടുണ്ട്. പത്താം ക്ലാസ് പരീക്ഷാഫലം ഇന്ന് വൈകിട്ട് പ്രഖ്യാപിച്ചേക്കും.
ഫെബ്രുവരി 15 മുതല് ഏപ്രില് രണ്ടുവരെയാണ് 10, 12 ക്ലാസ് പരീക്ഷകള് നടന്നത്. results.cbse.nic.ല് ഫലം അറിയാം. ഇതിന് പുറമേ cbse.gov.in, cbseresults.nic.in, cbse.nic.in, digilocker.gov.in, results.gov.in എന്നിവയിലൂടെയും ഫലം അറിയാനുള്ള സജ്ജീകരണങ്ങളുണ്ട്.
