ആലപ്പുഴ: വണ്ടാനം മെഡിക്കല് കോളേജ് ആശുപത്രിയില് 10 വയസുകാരിയെ പീഡിപ്പിക്കാന് ശ്രമിച്ച കേസില് യുവാവ് അറസ്റ്റില്. പുന്നപ്ര കപ്പക്കട സ്വദേശി അരുണ് (24) ആണ് അറസ്റ്റിലായത്. ആശുപത്രിയിലെ ശുചിമുറിയില് പെണ്കുട്ടി കുളിക്കാന് കയറിയപ്പോഴാണ് യുവാവ് കയറിപ്പിടിക്കാന് ശ്രമിച്ചത്.
കുട്ടിയുടെ അമ്മ മെഡിക്കല് കോളജ് ആശുപത്രിയില് ചികിത്സയിലാണ്. യുവാവ് കയറിപ്പിടിച്ചപ്പോള് കുട്ടി കരഞ്ഞതിനെത്തുടര്ന്ന് ആളുകള് ഓടിക്കൂടി. ഉടനെ യുവാവിനെ പിടികൂടി പൊലീസിന് കൈമാറുകയായിരുന്നു.
