സംസ്ഥാനത്ത് വെസ്റ്റ്നൈല് പനി ബാധിച്ച് ഒരു മരണം കൂടി. ഇടുക്കി മണിയാറന്കുടി സ്വദേശി വിജയകുമാറാണ് മരിച്ചത്. 24 വയസായിരുന്നു. കോഴിക്കോട് വച്ചാണ് ഇദ്ദേഹത്തിന് വെസ്റ്റ്നൈല് പനി ബാധിച്ചതെന്നാണ് വിവരം. ഇടുക്കി മെഡിക്കല് കോളജില് ചികിത്സയിലിരിക്കെയാണ് മരണം.
വൃക്ക മാറ്റി വയ്ക്കലുമായി ബന്ധപ്പെട്ടാണ് ഇദ്ദേഹം കോഴിക്കോടെത്തിയത്. ആദ്യം കോഴിക്കോട് ചികിത്സയിലായിരുന്നു. പിന്നീട് പനി കുറഞ്ഞപ്പോള് ഇടുക്കിയില് വീട്ടിലേക്ക് വന്നു. വീണ്ടും കൂടിയപ്പോള് ഇടുക്കിയിലെ മെഡിക്കല് കോളജില് പ്രവേശിപ്പിക്കുകയായിരുന്നു.
കഴിഞ്ഞ ആഴ്ച വെസ്റ്റ്നൈല് പനി ബാധിച്ച് കോഴിക്കോട് 13 വയസുകാരി മരിച്ചിരുന്നു. മലപ്പുറം, കോഴിക്കോട് ജില്ലകളില് വെസ്റ്റ് നൈല് പനി കേസുകള് റിപ്പോര്ട്ട് ചെയ്തിരുന്നു. ഈ പ്രദേശങ്ങളില് ആരോഗ്യവകുപ്പ് ജാഗ്രത നിര്ദ്ദേശം പുറപ്പെടുവിച്ചിരുന്നു.
