തൃശൂര്: സിനിമകള് പൂര്ത്തിയാക്കാനുള്ളതിനാല് സുരേഷ് ഗോപി കേന്ദ്രമന്ത്രി സ്ഥാനത്തേക്കില്ലെന്ന് റിപ്പോര്ട്ടുകള്. നാല് സിനിമകള് പൂര്ത്തിയാക്കാനുണ്ടെന്ന് സുരേഷ് ഗോപി ബിജെപി കേന്ദ്ര നേതൃത്വത്തെ അറിയിച്ചു. കാബിനറ്റ് റാങ്കില് ചുമതലയേറ്റാല് സിനിമകള് മുടങ്ങും. നിലവില് തലസ്ഥാനത്ത് തുടരുന്ന സുരേഷ് ഗോപി 12.30നുള്ള വിമാനത്തില് ഡല്ഹിയിലേക്ക് പോകാനാണ് ആലോചന. അതേസമയം
സുരേഷ്ഗോപി മുഴുവന് സമയവും ഇനി സിനിമയിലേക്ക് പോകുകയാണെന്ന് വെളിപ്പെടുത്തിയപ്പോള് ബിജെപി നേതൃത്വം ഞെട്ടിയിരിക്കുകയാണ്.
തൃശൂരിനൊരു കേന്ദ്രമന്ത്രി എന്നത് മുന്നിര്ത്തിയായിരുന്നു സുരേഷ് ഗോപി മണ്ഡലത്തില് പ്രചാരണം നടത്തിയത്. കേന്ദ്രമന്ത്രി പദവി ഏറ്റെടുക്കാന് സുരേഷ് ഗോപിക്ക് മേല് ബിജെപി നേതൃത്വത്തിന്റെ സമ്മര്ദമുണ്ട്. നേതൃത്വത്തിന്റെ തീരുമാനത്തിന് വഴങ്ങി സുരേഷ് ഗോപി പദവി ഏറ്റെടുക്കുകയാണെങ്കില് ഇന്ന് സത്യപ്രതിജ്ഞയുണ്ടാവും. തൃശൂരിന്റെ പ്രത്യേകത കൂടി കണക്കിലെടുത്ത് സാംസ്കാരികം, ടൂറിസം, സിനിമ വകുപ്പുകളില് ഏതെങ്കിലും ലഭിക്കാനാണ് സാധ്യത.
