കുവൈത്ത്: കുവൈത്തിലെ തൊഴിലാളി ക്യാമ്പിലുണ്ടായ തീപിടിത്തത്തില് മരിച്ചവരില് 14 മലയാളികളെ തിരിച്ചറിഞ്ഞു. പത്തനംതിട്ടയില് നിന്നുള്ള നാല് പേരും കൊല്ലത്ത് നിന്നുള്ള മൂന്ന് പേരും കാസര്ഗോഡ്, മലപ്പുറം, കോട്ടയം എന്നിവിടങ്ങളില് നിന്നുള്ള രണ്ട് പേരും കണ്ണൂരില് നിന്നുള്ള ഒരാളുമാണ് കുവൈത്തിലെ തീപിടിത്തത്തില് മരിച്ചത്. മരിച്ചവരുടെ കുടുംബങ്ങള്ക്ക് രണ്ട് ലക്ഷം രൂപ കേന്ദ്രസര്ക്കാര് ധനസഹായം പ്രഖ്യാപിച്ചു.
തൃക്കരിപ്പൂര് എളബച്ചി സ്വദേശി കേളു പൊന്മലേരി,കാസര്ഗോഡ് ചെര്ക്കള കുണ്ടടുക്കം സ്വദേശി രഞ്ജിത്ത് (34), പാമ്പാടി സ്വദേശി സ്റ്റീഫിന് എബ്രഹാം സാബു ( 29 ), പന്തളം മുടിയൂര്ക്കോണം സ്വദേശി ആകാശ് എസ് നായര് , കൊല്ലം സ്വദേശി ഷമീര്, പത്തനംതിട്ട വാഴമുട്ടം സ്വദേശി പി.വി. (54) മുരളീധരന്, കൊല്ലം വെളിച്ചിക്കാല വടകോട്ട് വിളയില് ലൂക്കോസ് (സാബു 48), പുനലൂര് നരിക്കല് വാഴവിള സ്വദേശി സാജന് ജോര്ജ്, കോന്നി അട്ടച്ചാക്കല് സ്വദേശി ചെന്നിശ്ശേരിയില് സജു വര്ഗീസ്(56), തിരുവല്ല മേപ്ര സ്വദേശി തോമസ് ഉമ്മന്, കണ്ണൂര് ധര്മടം സ്വദേശി വിശ്വാസ് കൃഷ്ണന് മരിച്ചതായി സ്ഥിരീകരിച്ചു.
തിരൂര് കൂട്ടായി സ്വദേശി പുരക്കല് നൂഹ് (40)ആണ് മരിച്ചത്
പ്രമുഖ മലയാളി വ്യവസായി ആയ കെ ജി എബ്രഹാമിന്റെ ഉടമസ്ഥതയിലുള്ള എന്ബിടിസി എന്ന കമ്പനിയിലെ തൊഴിലാളി ക്യാമ്പിലായിരുന്നു സംഭവം നടന്നത്. കെട്ടിടത്തിലെ തീ പൂര്ണ്ണമായും അണഞ്ഞിട്ടുണ്ട്. ഇന്നലെ പുലര്ച്ചെയാണ് മംഗഫയിലെ തൊഴിലാളി ക്യാമ്പില് തീപിടിത്തമുണ്ടായത്. 49 പേരാണ് മരിച്ചത്. ഇവരില് 21 പേര് ഇന്ത്യക്കാരാണെന്നാണ് പുറത്തുവന്നരിക്കുന്ന വിവരം.മരിച്ചവരുടെ മൃതദേഹങ്ങള് എത്രയും വേഗം നാട്ടിലെത്തിക്കാന് നടപടി വേഗത്തിലാക്കുകയാണ് ഇന്ത്യ.
