കൊച്ചി: കുവൈറ്റില് നടന്നത് വേദനജനകമായ ദുരന്തമാണെന്ന് മുഖ്യമന്ത്രി പിണറായി വിജയന്. മരിച്ചവരുടെ കുടുംബങ്ങളെ എന്തു പറഞ്ഞ് ആശ്വസിപ്പിക്കണമെന്നറിയില്ല. കേരളത്തിന്റെ ജീവനാടിയായാണ് പ്രവാസികളെ നാം കാണുന്നത്. കുടുംബങ്ങള്ക്കുണ്ടായത് തീരാ നഷ്ടമാണ്. കുടുംബാംഗങ്ങളുടെ ദു:ഖത്തില് പങ്കുചേരുകയാണെന്നും അര്ഹമായ നഷ്ടപരിഹാരം ലഭിക്കാന് കേന്ദ്ര സര്ക്കാര് ആവശ്യമായ ഇടപെടല് നടത്തണമെന്നും മുഖ്യമന്ത്രി പിണറായി വിജയന് പറഞ്ഞു.
കുവൈറ്റ് സര്ക്കാരിന്റെ ഫലപ്രദമായ നടപടി കൊണ്ടാണ് മൃതദേഹങ്ങള് പെട്ടെന്ന് ലഭിച്ചത്. കേന്ദ്രസര്ക്കാരും വേണ്ട രീതിയില് ഇടപെട്ടു. വിദേശകാര്യ സഹമന്ത്രി കുവൈറ്റിലേക്ക് നേരിട്ട് പോകുകയും പ്രവര്ത്തനങ്ങള് ഏകോപിപ്പിക്കാന് ശ്രമിക്കുകയും ചെയ്തു. ദുരന്തം ആവര്ത്തിക്കാതിരിക്കാന് ജാഗ്രത വേണമെന്നും മുഖ്യമന്ത്രി പറഞ്ഞു.
അതേ സമയം, മന്ത്രി വീണാ ജോര്ജിന് കുവൈറ്റിലേക്കുള്ള യാത്രാനുമതി നിഷേധിച്ചതില് മുഖ്യമന്ത്രി പ്രതികരിച്ചില്ല. ഇപ്പോള് ആ വിവാദത്തിലേക്ക് പോകുന്നില്ല. ഇപ്പോള് അത് ചര്ച്ച ചെയ്യേണ്ട സമയമല്ല. കുവൈത്തിലേക്ക് മന്ത്രി വീണാ ജോര്ജിനെ അയക്കാന് സര്ക്കാര് തീരുമാനിച്ചിരുന്നു. മന്ത്രി വിമാനത്താവളത്തില് എത്തിയെങ്കിലും പൊളിറ്റിക്കല് ക്ലിയറന്സ് കിട്ടാത്തതിനാല് പോകാനായില്ല. ഇക്കാര്യത്തിലാണ് ശരിയായ സമീപനം ഉണ്ടാകാതിരുന്നത്. അതിനെക്കുറിച്ച് പിന്നീട് സംസാരിക്കാമെന്നും
മരിച്ചവരുടെ കുടുംബാംഗങ്ങളെ സഹായിക്കാന് വേണ്ടി ഇടപെടുകയാണ് വേണ്ടതെന്നും മുഖ്യമന്ത്രി പറഞ്ഞു.
