ദോഹ: ഖത്തറില് വാഹനാപകടത്തില് തൃശ്ശൂര് സ്വദേശികളായ രണ്ട് യുവാക്കള്ക്ക് ദാരുണാന്ത്യം. ഐഡിയല് ഇന്ത്യന് സ്കൂള് ജീവനക്കാരായ ഹംസ, റംലത്ത് ദമ്പതികളുടെ മകന് മച്ചിങ്ങല് മുഹമ്മദ് ത്വയ്യിബ് (21), സൂഖ് വാഖിഫിലെ വ്യാപാരി തൃശൂര് വടക്കാഞ്ചേരി സ്വദേശി ഹംസയുടേയും ഹസീനയുടേയും ഏക മകന് മുഹമ്മദ് ഹബീല് (21) എന്നിവരാണ് മരിച്ചത്.
ഇവര് സഞ്ചരിച്ചിരുന്ന വാഹനം നിയന്ത്രണം വിട്ട് മറിഞ്ഞാണ് അപകടമുണ്ടായത്. മാള് ഓഫ് ഖത്തറിന് സമീപത്ത് വെച്ചാണ് ദാരുണമായ സംഭവം നടന്നത്. രണ്ടു പേരും തല്ക്ഷണം മരിച്ചു. മൃതദേഹങ്ങള് ഹമദ് ആശുപത്രി മോര്ച്ചറിയിലാണ്. മുഹമ്മദ് ത്വയ്യിബ് ഖത്തര് മിലിട്ടറി ജീവനക്കാരനും മുഹമ്മദ് ഹബീല് ദോഹ യൂണിവേഴ്സിറ്റി വിദ്യാര്ഥിയുമാണ്. വാഹനത്തിലുണ്ടായിരുന്ന മറ്റു മൂന്നു പേര് തീവ്രപരിചരണ വിഭാഗത്തില് ചികിത്സയിലാണ്. ഇവരുടെ പരുക്ക് ഗുരുതരമില്ലന്നാണ് പ്രാഥമിക വിവരം.
