കൊച്ചി: സേലം – കൊച്ചി ദേശീയപാതയില് മലയാളി യാത്രക്കാരെ മുഖം മൂടി ധരിച്ച് ആക്രമിച്ച സംഭവത്തില് നാല് പേര് പിടിയില്. വെള്ളിയാഴ്ച പുലര്ച്ചെ കോയമ്പത്തൂര് മധുക്കര സ്റ്റേഷന് പരിധിയിലെ എല്ആന്ടി ബൈപ്പാസിലായിരുന്നു ആക്രമണം നടന്നത്. പാലക്കാട് ചിറ്റൂര് സ്വദേശികളായ ശിവദാസ് (29), രമേഷ് ബാബു (27), കുന്നത്തുപാളയം സ്വദേശി വിഷ്ണു (28), മല്ലപ്പള്ളി അജയ് കുമാര് (24) എന്നിവരെ മധുക്കര പൊലീസ് അറസ്റ്റുചെയ്തു.
പ്രതികളിലൊരാളായ വിഷ്ണു മദ്രാസ് റജിമന്റില് സൈനികനാണ്. പാലക്കാടു നിന്നാണ് ഇവര് പിടിയിലായത്. പ്രതികളെ റിമാന്ഡ് ചെയ്തു. എറണാകുളം പട്ടിമറ്റം സ്വദേശികളായ അസ്ലം സിദ്ദിഖും ചാള്സ് റജിയും 2 സഹപ്രവര്ത്തകരുമാണ് ആക്രമണത്തിനിരയായത്. മൂന്ന് കാറുകളിലെത്തിയ പതിനഞ്ചംഗ മുഖംമൂടി സംഘമാണ് ഇവര് സഞ്ചരിച്ചിരുന്ന കാര് അടിച്ചുതകര്ത്തത്. കുഴല്പ്പണവുമായി വരുന്നവരെന്ന് തെറ്റിദ്ധരിച്ചാണ് ആക്രമണമെന്നാണ് പ്രാഥമിക നിഗമനം.
