പാലക്കാട്: മെഡിക്കല് വിദ്യാര്ഥിയെ മരിച്ച നിലയില് കണ്ടെത്തി. പാലക്കാട് മെഡിക്കല് കോളേജിലെ രണ്ടാം വര്ഷ വിദ്യാര്ഥി വിഷ്ണുവിനെയാണ് മരിച്ച നിലയില് കണ്ടെത്തിയത്. ഇന്നലെ രാത്രിയിലായിരുന്നു സംഭവം.
സഹപാഠികള് ഭക്ഷണം കഴിച്ചു തിരിച്ചെത്തിയപ്പോഴാണ് വിഷ്ണുവിനെ തൂങ്ങി മരിച്ച നിലയില് കണ്ടത്. ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പാലക്കാട് ജില്ലാ ആശുപത്രി മോര്ച്ചറിയിലേക്ക് മാറ്റി. പോലീസ് കേസെടുത്ത് അന്വേഷണം ആരംഭിച്ചു.
