കോട്ടയം: കനത്ത മഴ തുടരുന്ന സാഹചര്യത്തിലും വരും ദിവസങ്ങളില് മഴ രൂക്ഷമാകാന് സാധ്യതയുണ്ടെന്ന മുന്നറിയിപ്പുകള് ലഭിച്ചിരിക്കുന്നതിനാലും കോട്ടയം ജില്ലയില് രാത്രി യാത്ര നിരോധിച്ചു. വിനോദസഞ്ചാര കേന്ദ്രങ്ങളായ ഇലവീഴാപൂഞ്ചിറ, ഇല്ലിക്കല്കല്ല്, മാര്മല അരുവി എന്നിവിടങ്ങളിലേയ്ക്കുള്ള പ്രവേശനവും ഈരാറ്റുപേട്ട വാഗമണ് റോഡിലെ രാത്രികാലയാത്രയും ജൂണ് 30 വരെ നിരോധിച്ചു. ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ ജില്ലാ കലക്ടര് വി വിഗ്നേശ്വരിയാണ് ഉത്തരവ് അറിയിച്ചത്.
ശക്തമായ മഴയുടെ പശ്ചാത്തലത്തില് ജൂണ് 30 വരെ കോട്ടയം ജില്ലയിലെ എല്ലാ വിധ ഖനന പ്രവര്ത്തനങ്ങളും നിരോധിച്ച് കലക്ടര് വി വിഗ്നേശ്വരി ഉത്തരവ് പുറപ്പെടുവിച്ചു.
