ആലപ്പുഴ: മാവേലിക്കര തഴക്കരയില് പുതുതായി നിര്മിച്ച വീടിന്റെ തട്ട് പൊളിക്കുന്നതിനിടെ കോണ്ക്രീറ്റ് മേല്ക്കൂര തകര്ന്ന് വീണ് രണ്ടുപേര്ക്ക് ദാരുണാന്ത്യം. ചെട്ടികുളങ്ങര സ്വദേശി സുരേഷ്(52), മാവേലിക്കര പുതിച്ചിറയില് ആനന്ദന്(55) എന്നിവരാണ് മരിച്ചത്. ഇന്ന് ഉച്ചയോടെയാണ് സംഭവം. ഒരാള്ക്ക് പരിക്കേറ്റു.
വീടിന്റെ തട്ട് പൊളിക്കുന്നതിനിടെ കോണ്ക്രീറ്റ് മേല്ക്കൂര തകര്ന്നുവീഴുകയായിരുന്നു. സംഭവസ്ഥലത്ത് വെച്ചുതന്നെ തൊഴിലാളികള് മരിച്ചു. അഗ്നിരക്ഷാസേന സ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കിയെങ്കിലും ഇരുവരേയും രക്ഷിക്കാനായില്ല. ഏത് വിധത്തിലാണ് അപകടമുണ്ടായതെന്ന് പൊലീസ് പരിശോധിച്ചു വരികയാണ്.
