മലപ്പുറം: മലപ്പുറം വള്ളിക്കുന്നില് മഞ്ഞപ്പിത്തം വ്യാപകമായി പടരുന്നുവെന്ന് റിപ്പോര്ട്ട്. അത്താണിക്കലില് മാത്രം 284 രോഗികള്ക്കാണ് മഞ്ഞപ്പിത്തം സ്ഥിരീകരിച്ചത്. വള്ളിക്കുന്ന് മണ്ഡലത്തില് 459 പേര് വിവിധ സമയങ്ങളിലായി ചികിത്സ തേടിയതായി അധികൃതര് അറിയിച്ചു. വള്ളിക്കുന്ന്, അത്താണിക്കല്,മൂന്നിയൂര്, തേഞ്ഞിപ്പലം, ചേലേമ്പ്ര തുടങ്ങിയ പഞ്ചായത്തുകളിലാണ് മഞ്ഞപ്പിത്തം വ്യാപിക്കുന്നത്.
ചേലേമ്പ്രയില് 15 വയസുകാരി ഇന്നലെ രോഗം ബാധിച്ച് മരിച്ചിരുന്നു. ചേലൂപ്പാടം തറവാട് ബസ് സ്റ്റോപ്പിന് പിന്വശം സെന്ട്രിങ് കരാറുകാരന് പുളിക്കല് അബ്ദുല് സലീം – ഖൈറുന്നീസ ദമ്പതിമാരുടെ മകള് ദില്ഷ ഷെറിന് (15) ആണ് മരിച്ചത്.
