സംസ്ഥാനത്ത് ജൂലൈ മാസത്തില് സാധാരണ അളവിനേക്കാളും കൂടുതല് മഴ ലഭിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ പ്രവചനം. ജൂലൈ മാസത്തിലും പസഫിക്ക് സമുദ്രത്തില് ENSO പ്രതിഭാസവും ഇന്ത്യന് മഹാസമുദ്രത്തില് ഇന്ത്യന് ഓഷ്യന് ഡൈപോള് പ്രതിഭാസവും ന്യൂട്രല് സ്ഥിതിയില് തുടരാന് സാധ്യതയുണ്ട്. കേന്ദ്ര കാലാവസ്ഥ വകുപ്പ് ഉള്പ്പെടെയുള്ള അന്താരാഷ്ട്ര ഏജന്സികള് ജൂണ് മാസത്തില് സാധാരണയില് കൂടുതല് മഴ പ്രവചിച്ചിരുന്നെങ്കിലും ജൂണ് മാസത്തില് കേരളത്തില് 25% മഴ കുറവായിരുന്നു.
അതേസമയം സംസ്ഥാനത്ത് മഴ മുന്നറിയിപ്പില് മാറ്റം. സംസ്ഥാനത്ത് മൂന്ന് ദിവസം ശക്തമായ മഴയ്ക്ക് സാധ്യത. ഇന്ന് 8 ജില്ലകളില് യെല്ലോ അലേര്ട്ട് പ്രഖ്യാപിച്ചു. ആലപ്പുഴ, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ്, വയനാട് ജില്ലകളിലാണ് ശക്തമായ മഴ മുന്നറിയിപ്പുള്ളത്.
