കാസര്കോട്: സമസ്ത കേരള ജംഇയ്യത്തുല് ഉലമ (എപി വിഭാഗം) കേന്ദ്ര മുശാവറ അംഗവും ജാമിഅ സഅദിയ്യ ജനറല് സെക്രട്ടറിയുമായ സയ്യിദ് ഫസല് കോയമ്മ തങ്ങള് അന്തരിച്ചു. കര്ണാടകയിലെ അറുപതോളം മഹല്ലുകളിലും കേരളത്തിലെ വിവിധ മഹല്ലുകളിലും ഖാളിയായിരുന്നു.
ഖുറായിലെ സയ്യിദ് ഫള്ല് ഇസ്ലാമിക് സെന്ററിലെ പ്രധാന ഉസ്താദാണ്. സമസ്ത കേരള ജംഇയ്യത്തുല് ഉലമ കേന്ദ്ര മുശാവറ അംഗം,സമസ്ത കണ്ണൂര് ജില്ലാ പ്രസിഡന്റ്, ദക്ഷിണ കന്നട സംയുക്ത ജമാഅത്ത് ഖാളി, ജാമിഅ സഅദിയ്യ അറബിയ്യ ജനറല് സെക്രട്ടറി, എട്ടിക്കുളം താജുല് ഉലമ എജ്യുക്കേഷണല് സെന്റര് ജനറല് സെക്രട്ടറി തുടങ്ങിയ ചുമതലകള് വഹിച്ചിരുന്നു. മയ്യത്ത് നിസ്കാരം ഇന്ന് രാത്രി 9 മണിക്ക് കര്ണ്ണാടകയിലെ മംഗലാപുരത്തിന് സമീപമുള്ള ഖുറായില് വെച്ച് നടക്കും.
