മലപ്പുറം: മലപ്പുറത്ത് എച്ച് വണ് എന് വണ് ബാധിച്ച് പൊന്നാനി സ്വദേശിയായ ഒരു സ്ത്രീ മരിച്ചു. 47 വയസായിരുന്നു. തൃശ്ശൂര് കുന്നംകുളത്തെ സ്വകാര്യ ആശുപത്രിയിലാണ് മരണം. നേരത്തെ 12 ഓളം പേര് മലയോരത്ത് എച്ച് വണ് എന് വണ് രോഗ ലക്ഷണവുമായി ചികിത്സ തേടിയിരുന്നു.
മഴക്കാല രോഗം വ്യാപകമാകുന്ന സാഹചര്യത്തില് ജാഗ്രത പുലര്ത്തണമെന്ന് ആരോഗ്യ വകുപ്പ് അറിയിച്ചു. മലപ്പുറത്ത് രണ്ടു പേര്ക്ക് മലമ്പനി സ്ഥിരീകരിച്ചു. പൊന്നാനി സ്വദേശികളായ സ്ത്രീകള്ക്കാണ് രോഗം സ്ഥിരീകരിച്ചത്. ഇവരുടെ ആരോഗ്യനില തൃപ്തികരമാണ്. പൊന്നാനിയില് 1200 പേരുടെ രക്തസാമ്പിളുകള് പരിശോധിച്ചതിലാണ് രോഗം കണ്ടെത്തിയത്. മേഖലയില് നഗരസഭയുടെയും ആരോഗ്യ വകുപ്പിന്റെയും നേതൃത്വത്തില് പ്രതിരോധ പ്രവര്ത്തനങ്ങള് ഊര്ജിതമാക്കി.
