കൊച്ചി: മദ്യപാനം പ്രോത്സാഹിപ്പിക്കുന്ന രീതിയിലുള്ള വീഡിയോ ദൃശ്യം പകര്ത്തി പ്രചരിപ്പിച്ചതിന് ബോബി ചെമ്മണ്ണൂരിനെതിരെ കേസെടുത്ത് എക്സൈസ് വകുപ്പ്. അബ്കാരി നിയമം ലംഘിച്ചതിനാണ് കേസെടുത്തത്. ഞാറക്കല് എളങ്കുന്നപ്പുഴ ഷാപ്പിന്റെ ഉദ്ഘാടന ചടങ്ങുമായി ബന്ധപ്പെട്ടുള്ള വീഡിയോയാണ് കേസിനാസ്പദം. ജൂലൈ 9 നാണ് ഞാറക്കല് എക്സൈസ് കേസെടുത്തത്.
കേസിന്റെ തുടര് നടപടികളുടെ ഭാഗമായി മഹസര്, ഒക്കറന്സ് റിപ്പോര്ട്ട്, വീഡിയോ ദൃശ്യങ്ങള് അടങ്ങിയ സിഡി എന്നിവ എക്സൈസ് കോടതിയില് സമര്പ്പിച്ചിട്ടുണ്ട്. ജൂലൈ ഒന്നിന് വൈകിട്ടായിരുന്നു ഉദ്ഘാടന ചടങ്ങ്. പ്രതിയെ ഇതുവരെ അറസ്റ്റ് ചെയ്യാന് കഴിഞ്ഞിട്ടില്ല എന്നും എക്സൈസ് കോടതിയെ അറിയിച്ചു. നാല് മാസം മുമ്പ് സമാനമായ കേസില് കോഴിക്കോട് പൊലീസ് കേസെടുത്തെങ്കിലും നടപടിയൊന്നും ഉണ്ടായില്ല.
