വയനാട്ടില് ഉണ്ടായ ഉരുള്പൊട്ടലില് സാധ്യമായ എല്ലാ രക്ഷാപ്രവര്ത്തനവും ഏകോപിപ്പിക്കുമെന്ന് മുഖ്യമന്ത്രി പിണറായിവിജയന്. സംഭവം അറിഞ്ഞതു മുതല് സര്ക്കാര് സംവിധാനങ്ങള് യോജിച്ച് രക്ഷാപ്രവര്ത്തനത്തിനിറങ്ങിയിട്ടുണ്ട്. മന്ത്രിമാര് ഉള്പ്പെടെ വയനാട്ടിലെത്തി പ്രവര്ത്തനങ്ങള്ക്ക് നേതൃത്വം നല്കും. വയനാട് ഉരുപൊട്ടലില് രക്ഷാപ്രവര്ത്തനങ്ങള്ക്കായി കണ്ണൂര് ഡിഫന്സ് സെക്യൂരിറ്റി കോര്പസ്ന്റെ 2 സംഘം സംഭവ സ്ഥലത്ത് ഉടന് എത്തിച്ചേരും. വായൂ സേനയുടെ രണ്ട് ഹെലികോപ്ടര് സുളുറില് നിന്നും എത്തിയിട്ടുണ്ട്.
വയനാട്ടില് ഉരുള്പൊട്ടലുണ്ടായ സ്ഥലത്ത് അല്പ്പസമയത്തിനകം സിപിഐഎം സംസ്ഥാന സെക്രട്ടറി എം വി ഗോവിന്ദന് മാസ്റ്റര് എത്തും. വലിയ മഴക്കെടുതിയെയാണ് കേരളം നേരിട്ടുകൊണ്ടിരിക്കുന്നത്. മുഴുവന് പാര്ട്ടി പ്രവര്ത്തകരും രക്ഷാപ്രവര്ത്തനത്തിന് രംഗത്തിറങ്ങണമെന്ന് എം വി ഗോവിന്ദന് മാസ്റ്റര് ആഹ്വാനം ചെയ്തു
ഫയര് ആന്ഡ് റസ്ക്യൂ, സിവില് ഡിഫന്സ്, എന്ഡിആര്എഫ്, ലോക്കല് എമര്ജന്സി റെസ്പോണ്സ് ടീം എന്നിവരുടെ 250 അംഗങ്ങള് വയനാട് ചൂരല്മലയില് രക്ഷാപ്രവര്ത്തനത്തില് ഏര്പ്പെട്ടിട്ടുണ്ട്. എന്ഡിആര്എഫിന്റെ കൂടുതല് ടീമിനെ സംഭവസ്ഥലത്തേക്ക് ഉടന് എത്തിക്കുന്നതിന് നിര്ദ്ദേശം നല്കിയിട്ടുണ്ട്.
